சின்னஞ்சிறு குழந்தைகள் முதல் பெரியவர்கள் வரை அனைவரது கையிலும் ஆறாம் விரலாய் செல்போன்கள் இருந்து வருகின்றன. இளசுகளை கேட்கவே வேண்டாம். ஒரு வேளை உணவில்லாமல் கூட இருந்து விடுகிறார்கள்.
செல்போனில் சார்ஜ் போட்டுக் கொண்டே பேசுவதால் விபரீதங்கள் ஏற்படலாம் என எத்தனை முன்னெச்சரிக்கை பதிவுகள் வந்தாலும் கண்டு கொள்வதே இல்லை.
வெறும் வயிற்றில் இதை செய்தால் மரணம் ஏற்படலாம் !
தஞ்சாவூர் மாவட்டம் பாபநாசம் ஆடுதுறை விசித்திர ராஜபுரத்தில் வசித்து வந்தவர் கோகிலா. இவருக்கு வயது 32 தான்.
இவரது கணவர் சில ஆண்டுகளுக்கு முன்பு இறந்த விட்ட நிலையில் தனது 9 வயது மகன் பிரகதீசுடன் வாழ்ந்து வந்தார். இவர் கபிஸ்தலத்தில் பிரகதீஷ் என்ற பெயரில் செல்போன் மற்றும் கடிகாரம் சரி செய்யும் கடையை நடத்தி வந்தார்.
இதில் மின்கசிவு ஏற்பட்டு செல்போன் வெடித்து கடை தீப்பற்றி எரிந்தது. கடையின் உள்ளே இருந்த கோகிலா கூச்சலிட அக்கம் பக்கத்தினர் தண்ணீரை ஊற்றி தீயை அணைக்க முயற்சித்தனர்.
உடனேயே தீ மளமளவென பரவியது. இதனால் கோகிலா தீயில் சிக்கி உடல் முழுவதும் கருகி சம்பவ இடத்திலேயே பரிதாபமாக உயிரிழந்தார்.
தகவல் அறிந்து சம்பவ இடத்திற்கு வந்த கபிஸ்தலம் காவல் துறையினர் கோகிலாவின் உடலை கைப்பற்றி பிரேத பரிசோதனைக்காக பாபநாசம் அரசு மருத்துவமனைக்கு கொண்டு சென்றனர்.
செல்போன் கடை வைத்திருந்த இளம்பெண் தீயில் கருகி பெண் உயிரிழந்த சம்பவம் அந்த பகுதியில் பெரும் சோகத்தையும், அதிர்ச்சியையும் ஏற்படுத்தி யுள்ளது.
Thanks for Your Comments