முதுகுத் தண்டுக்குள் நுழையும் கேமரா எண்டோஸ்கோப்பி !





முதுகுத் தண்டுக்குள் நுழையும் கேமரா எண்டோஸ்கோப்பி !

0

சக்கர நாற்காலியில் உட்கார்ந்து இருக்கும் பலரை நீங்கள் கடைத் தெருவில், ரோட்டில், ஆஸ்பத்திரி வாசலில், கல்வி கூடங்களில், அரசு அலுவலகங்களில் என்று பல இடங்களிலும் பார்த்து இருப்பீர்கள்.

முதுகுத் தண்டுக்குள் நுழையும் கேமரா எண்டோஸ்கோப்பி !
இதில் பலரை சக்கர நாற்காலியில் வைத்து தள்ளிக் கொண்டு செல்வார்கள், சிலர் தாங்களே சக்கர நாற்காலியை உருட்டிக் கொண்டோ, அல்லது எரிபொருளின் உதவியுடன் உருளும்படி செய்தோ செல்வார்கள்.

சக்கர நாற்காலியில் இருப்பவர்கள் எல்லாம் இளம்பிள்ளை வாத நோயால் பாதிக்கப் பட்டவர்கள் என்றே நம்மில் பலரும் எண்ணிக் கொண்டு இருக்கிறோம். 

ஆனால் உண்மை அதுவல்ல. அவர்களில் பெரும்பாலோனார் முதுகுதண்டு வட பாதிப்பு அடைந்தவர்கள். முதுகு தண்டு வட பாதிப்பு என்பது கடுமையான விஷயமாகும்.

தலைக்கு பின் பக்கம் மூளையில் இருந்து ஆரம்பிக்கும் முதுகு தண்டு வடத்தினுள் செல்லும் நரம்புகள் தான் உடம்பின் ஒட்டு மொத்த செயல்பாடுகளையும் இயக்குகிறது, 

முதுகுத் தண்டுக்குள் நுழையும் கேமரா எண்டோஸ்கோப்பி !

கட்டுக்குள் வைக்கிறது. மூளையிடும் உத்திரவை இந்த நரம்புகள் தான் செயல்படுத்துகிறது.

இந்த நிலையில் முதுகு தண்டு வடத்தில் அடிபடும் போது எந்த இடத்தில் அடிபடுகிறதோ, அந்த பகுதியில் இருந்து அதன் செயல்பாடுகள் நின்று போகும்.

மருத்துவர், நுண் கருவிகளின் துணை கொண்டு, பாதிப்படைந்த நரம்பு/ சவ்வைச் சரி செய்கிறார். 

அப்போது முதுகில் உள்ள திசுக்களோ, எலும்புகளோ, நரம்புகளோ தொடப்படுவதில்லை. இதனால் வழக்கமான அறுவை சிகிச்சையின் போது ஏற்படுகின்ற நரம்பு பாதிப்புப் பிரச்னை இல்லை.

அவர் ஒரு பிளம்பர். வேலை செய்யும் போது, இறுகி இருந்த பைப் ஒன்றைத் தன் முழு சக்தி கொண்டு இழுக்கிறார். 

அவ்வளவு தான், இடுப்புக்குக் கீழே ஆசனவாய்ப் பகுதியில் இருந்த உணர்வு முழுதும் செயலிழந்து அப்படியே கீழே சரிந்து போகிறார். 

முதுகுத் தண்டுக்குள் நுழையும் கேமரா எண்டோஸ்கோப்பி !

உடனடியாக கிளெனீகல்ஸ் குளோபல் ஹெல்த் சிட்டி மருத்துவ மனைக்கு அழைத்து வரப்பட்டவரைப் பரிசோதிக்கையில், அவருக்கு 'காடா ஈக்வினா' (Cauda Equina) எனும் முதுகுத்தண்டு நரம்பு பாதிப்பு இருப்பது உறுதி செய்யப்பட்டது. 

இதுவோர் எமர்ஜென்சி, 6 மணி நேரத்தில் சிகிச்சை வழங்கப்பட வேண்டும். பரிசோதனையில் அவருக்கு கோவிட்-19 பாசிட்டிவ் - 

இப்போது மேலுமொரு சிக்கல். அவரையும் காப்பாற்றி, மெடிக்கல் டீமுக்கும் பாதிப்பு ஏற்படாமல் இருக்க எண்டோஸ்கோப்பி எனப்படும் நுண்துளை கருவி மூலம் அறுவை சிகிச்சை செய்ய முடிவெடுக்கப்பட்டது. 

ஜெனரல் அனஸ்தீஸியா கொடுக்க முடியாத இந்தப் பேஷண்டுக்கு லோக்கல் அனஸ்தீஸியா (பாதிக்கப்பட்ட பகுதிக்கு மட்டும் மயக்க மருந்து) கொடுத்து ஆபரேஷன் செய்யப்பட்டது. 

அடுத்த 6 மணி நேரத்தில் இக்கட்டான நிலையிலிருந்து மீண்ட நோயாளி இப்போது நலமாக உள்ளார்.

(nextPage)

முதுகு தண்டுவடம் எப்படி பாதிக்கும்

முதுகுத் தண்டுக்குள் நுழையும் கேமரா எண்டோஸ்கோப்பி !

உயரமான இடத்தில் இருந்து கீழே விழும் போது, விபத்தில் சிக்கும் போது என பல்வேறு காரணங்களால் முதுகுதண்டு வடம் பாதிக்கும்.

முதுகு தண்டு வட பாதிப்புக்கு உள்ளானவர்களுக்கு தன் உடல் உறுப்புகளை இயக்குவது என்பது மிக கடினமான ஒன்று, மூளை சொல்வதை நரம்புகள் எடுத்துச் செல்லாது, 

இதன் காரணமாக கையை யாராவது கத்தியைக் கொண்டு அறுத்தாலும் வலி என்கின்ற உணர்வு மூளைக்கு செல்லாது.

மிகவும் பாதிப்பு என்பது சிறுநீர் போவதும், மலம் கழிப்பதும் தான், இந்த இரண்டு பிரதான விஷயங்களுமே இவர்கள் கட்டுப்பாட்டில் இருக்காது என்பதால், 

என்ன தான் சமாதானம் செய்து கொண்டாலும், இவர்களைப் பொறுத்த வரை அன்றாடம் தங்கள் வாழ்க்கையை ஒரு நரகமான வாழ்க்கையாகவே நினைக்கின்றனர்.

பிறகு படுக்கை புண் வரும். கொசு கடித்தால் கூட யாரையாவது கூப்பிட்டுதான் அடிக்கச் சொல்ல வேண்டும், படுக்கை அல்லது சக்கர நாற்காலியிலேயே வாழ்க்கையை கழிக்க வேண்டி இருக்கும். தொற்று நோய் எளிதில் பரவும்.

முதுகுத்தண்டு எனும் ஹை வே...

முதுகுத்தண்டு எனும் ஹை வே...

எண்டோஸ்கோப் எனப்படும் நுண்துளை சிகிச்சைகள் இன்று அனைத்து வகை ஆபரேஷன்களையும் சுலபமாக்கி விட்டன. 

உடலின் முக்கிய பாகமான முதுகுத் தண்டில் ஏற்படும் பிரச்னைகளைக் களைய 'அட்வான்ஸ்டு எண்டோஸ்கோப்பிக் ஸ்பைன் சென்டரைத்' (Advanced Endoscopic Spine Center) துவக்கியுள்ளது 

கிளெனீகல்ஸ் குளோபல் ஹெல்த் சிட்டி. இதன் சிறப்புகள் பற்றி அறியும் முன், முதலில் முதுகுத் தண்டு பற்றி அறிவோம்...

சிறு சிறு கண்ணிகள் போன்ற அமைப்புடன் கூடிய 33 எலும்புகள், ஒன்றின் மீது ஒன்றாக அடுக்கி வைக்கப்பட்ட சங்கிலி தான் முதுகெலும்பு. 

இதில், எலும்புகளுக்கு இடையில் உராய்வைத் தடுக்கும் விதமாக டிஸ்க் எனப்படும் ஜெல்லி போன்ற மிருதுவான பாகங்கள் உள்ளன. வாகனங்களில் அதிர்வுகளைத் தாங்குவதற்குப் பயன்படும் 'ஷாக் அப்சர்பர்’ போன்ற அமைப்பு இது.

இந்த முதுகெலும்புத் தொடருக்கு ஊடாக மிகவும் பாதுகாப்பான நிலையில் ஓடுகின்றன தண்டுவட நரம்புகள். உடல் உறுப்புகள் அனைத்தையும் கட்டுப் படுத்தக்கூடிய மூளையின் உத்தரவுகளைக் கடத்திச் செல்லும் முக்கியப் பணியைச் செய்பவை இவை. 

முதுகுத் தண்டுக்குள் நுழையும் கேமரா எண்டோஸ்கோப்பி !

முதுகெலும்புகளுக்கு மத்தியில் உள்ள டிஸ்க் நகர்ந்து இந்த நரம்புகள் நசுக்கப்படும் போது தாங்க முடியாத வலி ஏற்படுகிறது. இது தவிர, டிஸ்க் தேய்தல், எலும்பு தேய்தல், நரம்பில் கட்டி, தசை வலுக்குறைவு, இறுக்கமான தசைகள் - இவற்றாலும் வலி ஏற்படுகிறது. 

சிறுநீரகம், பித்தப்பை போன்ற உள்ளுறுப்புகளில் இருக்கும் பிரச்னையின் எதிரொலியாகவும் வலி வர வாய்ப்புண்டு. சில முதுகு வலி கால்களுக்கும், கழுத்து வலி கைகளுக்கும் பரவும். இடது பக்கம் வலித்தால் இதய நோயாக இருக்க வாய்ப்புண்டு. 

அப்படியில்லை என்று சோதனையில் கண்டுபிடிக்கப்பட்டால், அது டிஸ்க் ரிலேட்டட் பிரச்னையாகும்.

(nextPage)

ஏன் முதுகுத் தண்டு பாதிக்கப்படுகிறது?

முதுகுத் தண்டுக்குள் நுழையும் கேமரா எண்டோஸ்கோப்பி !

* உடற்பயிற்சியின்மை

* தொடர்ச்சியாக கம்ப்யூட்டர் முன்பே அமர்ந்திருத்தல்.

* தினமும் இரு சக்கர வாகனங்களில் நெடுந்தொலைவு பயணம்.

* அதிக உடல் எடை

* கூன் விழுந்த நிலையில் உட்கார்ந்திருத்தல்

* உடல் தசைகள் பலவீனமடைதல்

* முதுகெலும்பு டிஸ்க்குகளில் அதீத அழுத்தம் & தேய்மானம்

* முதுமை

* விபத்துகள்

* எலும்புகளில் ஏற்படும் சத்துக் குறைவு

என்ன செய்கிறது எண்டோஸ்கோப்பி?

முதுகுத் தண்டுக்குள் நுழையும் கேமரா எண்டோஸ்கோப்பி !

முதலில் கை கால் தசைகளை அசைக்கச் சொல்லி எங்கே வலி உள்ளது என்பதை அறிகிறோம். பிறகு எக்ஸ்ரே எடுக்கப்படும், மேலும் MRI ஸ்கேன் மூலம் நரம்புகளில் அழுத்தம், மரத்துப்போதல் இருக்கிறதா என்பதை அறிந்து கொள்கிறோம், 

இது மட்டுமல்லாது நோயாளி என்ன உணர்கிறார் என்பதையும் அறிய வேண்டும். இந்த மூன்றையும் கொண்டு ட்ரீட்மென்ட் தீர்மானிக்கப் படுகிறது.

முதுகில் சிறு துளையிட்டு, அதன் வழியாக எண்டோஸ்கோப்பி கருவி நுழைக்கப்படுகிறது. அதன் உள் முனையில் கேமரா, லைட், நுண் அறுவைக் கருவிகள் இருக்கும். 

கருவியில் உள்ள லென்ஸ் முதுகெலும்பின் உள் அமைப்பைப் பல மடங்குப் பெரிதுபடுத்திக் காண்பிப்பதால் அடிப்படைக் கோளாறு தெளிவாகத் தெரிகிறது. 

மருத்துவர், நுண் கருவிகளின் துணைகொண்டு, பாதிப்படைந்த நரம்பு/சவ்வைச் சரி செய்கிறார். 

அப்போது முதுகில் உள்ள திசுக்களோ, எலும்புகளோ, நரம்புகளோ தொடப்படுவதில்லை. இதனால் வழக்கமான அறுவை சிகிச்சையின் போது ஏற்படுகின்ற நரம்புப் பாதிப்புப் பிரச்னை இல்லை. 

எலும்புத் தேய்மானம், கூன் விழுதல், பிறவியிலேயே முதுகெலும்பு வளைதல் போன்ற வற்றுக்கும் இந்தச் சிகிச்சை நல்ல பலன் தருகிறது.

(nextPage)

எண்டோஸ்கோப்பி

முதுகுத் தண்டுக்குள் நுழையும் கேமரா எண்டோஸ்கோப்பி !

மருத்துவத் துறையில் மட்டுமே புழங்கிக் கொண்டிருந்த எண்டோஸ்கோப்பி என்கிற வார்த்தை, இப்போது பொது மக்களிடமும் பேச்சு வழக்கில் பயன்படுத்தப்படும் வார்த்தையாகி விட்டது. 

இந்த எண்டோஸ்கோப்பி என்பது என்னவென்று இரைப்பை மற்றும் குடலியல் சிகிச்சை சிறப்பு மருத்துவர் தாயுமானவனிடம் கேட்டோம்...

Endoscopy என்பது பரிசோதனை மற்றும் சிகிச்சை முறைகளைக் குறிக்கும் ஒரு மருத்துவ வார்த்தை. இன்னும் எளிதாக விளங்கும் வகையில் சொல்ல வேண்டுமானால் 

நமது உடலுக்குள் அமைந்துள்ள உறுப்புக்களையும் நேரடியாகப் பார்ப்பதற்கு உதவி செய்யும் மருத்துவ உபகரணம் தான் எண்டோஸ்கோப்பி என்று குறிக்கப்படுகிறது.

எந்தெந்த உறுப்புக்கள் இந்தக் கருவியின் வழியாகப் பார்க்கப்பட்டு, பரிசோதனை மற்றும் சிகிச்சை மேற்கொள்ளப் படுகிறதோ அவற்றின் பெயராலேயே அவை குறிக்கப் படுகின்றன. 

வயிறு, உணவுக்குழாய் மற்றும் சிறுகுடலை எண்டோஸ்கோப்பி கருவி துணையுடன் பார்க்கிற முறை Gastroscopy என குறிப்பிடப்படுகிறது. 

நுரையீரலைப் பரிசோதித்து என்ன மாதிரியான பாதிப்பு எந்த அளவுக்கு உள்ளது என்பதைக் கண்டறிந்து, அதற்கு ஏற்றவாறு சிகிச்சைகளைத் தருகிற முறை Bronchoscopy என அழைக்கப்படுகிறது.

உடலின் உள்ளுறுப்புகளில் அளவுக்கு அதிகமாக வலி ஏற்படும் போது, என்ன காரணத்தால் வலி உண்டாகி இருக்கிறது, 

சிகிச்சை தரப்படும் போது, நோயாளிகளுக்கு வலி இருக்குமா, வலி எங்கு இருக்கிறது என்பதை யெல்லாம், ஒரு சில நிமிடங்களிலேயே, கண்டுபிடித்து விடக்கூடிய புதிய தொழில் நுட்பமாக எண்டோஸ்கோப்பி இருக்கிறது

எண்டோஸ்கோப்பி பயன்கள்:

* ரத்த இழப்பு இல்லை.

* வலியில்லை.

* நோயாளிகள் அதிக காலம் மருத்துவமனையில் தங்க வேண்டியதில்லை.

* அதிக நாள்களுக்கு ஓய்வு தேவையில்லை

* வழக்கமான பணிகளைச் சில நாட்களில் தொடரலாம்.

* நாட்பட்ட வலிகளுக்கும் தீர்வு.

(nextPage)

குளோபல்-ன் 'அட்வான்ஸ்டு எண்டோஸ்கோப்பிக் ஸ்பைன் சென்டர்'

முதுகுத் தண்டுக்குள் நுழையும் கேமரா எண்டோஸ்கோப்பி !

16 வருடங்களுக்கு முன்னரே கிளெனீகல்ஸ் குளோபல் ஹெல்த் சிட்டியில் எண்டோஸ்கோப் சிகிச்சை வழங்க ஆரம்பித்து விட்டோம். 

இப்போது மேலும் நவீன மயமாக்கப்பட்ட அட்வான்ஸ்டு எண்டோஸ்கோப்பிக் ஸ்பைன் சென்டர் மூலம் அனுபவம் வாய்ந்த எண்டோஸ்கோப் சர்ஜியன்களின் துணையைப் பெற முடியும்.

குளோபல் ஹெல்த் சிட்டியில் அனுபவம் வாய்ந்த மருத்துவர்கள் இருப்பதால், நோயாளிக்கு எந்தச் சிகிச்சை தேவை என்பதைத் துல்லியமாகச் சொல்லி விடுவார்கள். 

மேலும் எண்டோஸ்கோப் அறுவை சிகிச்சை செய்வதற்கு தகுந்த பயிற்சி பெற்றிருத்தல் மிக அவசியம், இது இங்கிருக்கும் மருத்துவர்களின் பெரிய பிளஸ்.

மேல், நடு மற்றும் கீழ் முதுகுத் தண்டின் டிஸ்க் பாதிப்புகள் அனைத்தையும் துல்லியமாக எண்டோஸ்கோப் மூலம் சரி செய்கிறோம். 

முதுகுத் தண்டுக்குள் நுழையும் கேமரா எண்டோஸ்கோப்பி !

ஸ்பைனல் ஸ்டீனோசிஸ் (Spinal Stenosis) பிரச்னை இருந்தால் முதுகுத் தண்டுக்குள் இருக்கும் நரம்புகளின் இடைவெளி இறுக்கமாகிக் கொண்டே இருக்கும். 

இந்தப் பாதிப்பு இருப்பவர்கள் நடக்கவே முடியாமல் சோர்ந்து விடுவார்கள். இதையும் மூட்டுத் தேய்மானத்தையும் கூட எண்டோஸ்கோப் துணையுடன் சரி செய்ய முடியும். 

டிஸ்க் ப்ரொலாப்ஸ், கெனால் ஸ்டீனோசிஸ் சிகிச்சைகள், ஃபேசட் ஜாயின்ட்ஸ் எனப்படும் முதுகுத்தண்டு மூட்டுகளில் ஏற்படும் ஆர்த்தரைட்டிஸ் வலியைச் சரி செய்ய 

ரேடியோ ஃப்ரீக்வென்ஸி அப்லேஷன் உள்ளிட்ட செயல்முறைகள் இங்கு சிறப்பாகச் செய்யப் படுகின்றன.

Tags:

Post a Comment

0Comments

Thanks for Your Comments

Post a Comment (0)