ஹீரோவின் மலிவு விலை மின்சார ஸ்கூட்டர் இது தான் ஹீரோ ஃபிளாஷ் !

ஹீரோவின் பிளாஷ் பிராண்டின் கீழ் உற்பத்தி செய்யப்பட்டுள்ள புதிய மின்சார ஸ்கூட்டரை, மலிவு விலையில் விற்பனைக்கு கொண்டு வர அந்நிறுவனம் திட்ட மிட்டுள்ளதாக செய்திகள் வெளியாகியுள்ளன.

இந்தியாவில் மின்சார வாகனங்களுக்கான கட்டமைப்பு ஆரம்பக் கட்டத்தில் உள்ளது. மின்சார வாகன உற்பத்தியில் பல்வேறு புதிய நிறுவனங்களுடன், ஜாம்பவான் நிறுவனங்களும் கால்பதித்து வருகின்றன.

இந்த வரிசையில் ஹீரோ நிறுவனம், மின்சார வாகன உற்பத்திக்காக ஹீரோ எலெக்ட்ரிக் என்ற பிரிவை உருவாக்கி செயல்படுத்தி வருகிறது. 

ஹீரோ எலெக்ட்ரிக் உருவாக்கியுள்ள முதல் ஃபிளாஷ் மின்சார ஸ்கூட்டரை தற்போது அறிமுகம் செய்துள்ளது.

இந்த ஸ்கூட்டருக்கு ரூ. 29,900 (எக்ஸ்-ஷோரூம்) விலை நிர்ணயம் செய்யப்படலாம் என எதிர் பார்க்கப்படுகிறது.  

புதிய மின்சார ஸ்கூட்டரை விற்பனை செய்யும் பொருட்டு, நாடு முழுவதும் 615 டச் பாயிண்டுகளை உருவாக்கவும், 

விரைவில் அனைத்து தரப்பு வாடிக்கையாளர்களையும் கவரும் வகையில் கூடுதல் தள்ளுபடிகளை வழங்கவும் ஹீரோ திட்டமிட்டுள்ளது.

இதே ஸ்கூட்டர், இந்தியாவின் வடகிழக்கு மாநிலங்களில் ரூ. 33 ஆயிரம் விலை விற்பனைக்கு அறிமுகம் செய்யப்படும் எனவும் சொல்லப்படுகிறது.

அதன்படி ரூ. 7090 வரை இந்த ஸ்கூட்டருக்கு தள்ளுபடி வழங்க ஹீரோ முடிவு செய்துள்ளதாக தெரிகிறது. இது எந்த அடிப்படையிலான சலுகை என விரைவில் அறிவிக்கவுள்ளதாக ஹீரோ தரப்பில் இருந்து செய்திகள் வெளியாகியுள்ளன.

இந்த ஸ்கூட்டரில் எல்.இ.டி திறனில் ஒளிரும் முகப்பு விளக்குகள், செல்போன் சார்ஜிங் வசதி மற்றும் அதிநவீன பிரேக்கிங் அமைப்பு உள்ளிட்டவை இதிலுள்ள முக்கிய சிறப்பம்சங்களாக உள்ளன.

நகரப் பகுதிகளில் இயக்குவதற்கான கட்டமைப்புகளோடு தயாராகியுள்ள இந்த ஃபிளாஷ் இ ஸ்கூட்டரில் 48 வோல்ட் பேட்டரி உள்ளது. 

இதை முழுமையாக சார்ஜ் செய்ய 8 மணிநேரம் வரை ஆகும். ஒரு முறை சார்ஜ் செய்தால் 50 கி.மீ வரை அதிகப்பட்சமாக செல்லும்.

ஒட்டு மொத்தமாக 69 கிலோ எடை மட்டுமே கொண்ட இந்த ஸ்கூட்டரை, அனைவரும் சுலபமாக இயக்கலாம். 

கண்களின் கீழ் வரும் வீக்கத்தை தடுக்க எளிய வழிமுறைகள் !

விரைவில் நடைபெறவிருக்கும் 2020 ஆட்டோ எக்ஸ்போவில், ஹீரோ நிறுவனம் இந்த எலெக்ட்ரிக் ஸ்கூட்டரி மீண்டும் காட்சிப் படுத்தவுள்ளது.