அம்மா மினி கிளினிக் திட்டம் செயல்படும் நேரம் !

தமிழகத்தின் மருத்துவத்துறையில் புதிய திட்டமாக அம்மா மினி கிளினிக் திட்டம் நேற்று (15.12.2020) முதல் அமல்படுத்தப்பட்டுள்ளது. 

2000 மினி கிளினிக்குகள் தொடங்கும் இந்தத் திட்டத்தின் ஒரு பகுதியாக, இன்று சேலத்தில் மினி கிளினிக்குகளை முதல்வர் திறந்து வைக்கிறார்.

நரம்பு மற்றும் மூளைக்கு பலம் தரும் சிறந்த உணவுகள் !

இந்நிலையில், அதென்ன மினி கிளினிக்? செயல்படும் நேரம் என்ன? அமைப்பு எப்படி இருக்கும்? இது போன்ற கேள்விகளுக்கு விடை காண வேண்டியது அவசியமாகிறது.

கிளினிக் என்றால் என்ன?

கிளினிக் என்பதற்கு, ஒரே ஒரு மருத்துவரின் தலைமையில் நடைபெறும் மருத்துவமனை என்று எளிதாகப் பொருள் புரிந்து கொள்ளலாம். இங்கு உதவிக்கு ஒன்றுக்கு மேற்பட்ட செவிலியர்களும், பணியாளர்களும் இருப்பர்.

மினி கிளினிக்👈 என்றால் என்ன?

அரசு உருவாக்கியிருக்கும் இந்த மினி கிளினிக்குகளும் அப்படியானதே. இதில் ஒரு மருத்துவர், ஒரு செவிலியர், ஒரு உதவியாளர் பணியாற்றுவர். ஆனால், இங்கு படுக்கை வசதிகள் இருக்காது. 

ஆலோசனைக்கும், சிறு சிறு நோய்களுக்கான 👉மருத்துவமும் கிடைக்கும். குறிப்பாக கோவிட்-19 பரிசோதனை எண்ணிக்கையை அதிகப்படுத்தவே இந்த மினிகிளினிக்குகள் தொடங்கும் முடிவை முதல்வர் எடப்பாடி பழனிசாமி அறிவித்துள்ளார்.

அஜினமோட்டோ பயன்படுத்தினால் ஏற்படும் விபரீதம்?

மினி கிளினிக் செயல்படும் நேரம்?

காலை 4 மணி நேரமும் மாலை 3 மணி நேரமும் என மினி கிளினிக்குகள் இயங்க நேரம் ஒதுக்கப்பட்டுள்ளது. காலை 8 மணி முதல் 12 மணி வரையிலும், மாலை 4 மணி முதல் 7 மணி வரையிலும் இந்த மினி கிளினிக் இயங்கும்.

மினி கிளினிக் அமைப்பு எப்படி?

ஒரு மருத்துவர், ஒரு நர்ஸ், ஒரு பணியாளர் என மூன்று பேர் இருப்பர். மருத்துவ ஆலோசனை மற்றும் மருந்துகள் இங்கு கிடைக்கும். 

மருத்துவ சிகிச்சைக்கு👈 மக்கள் பரிந்துரைக்கப்படுவர். அந்தப் பரிந்துரையின் பேரில் அவர்கள் மேலதிக சிகிச்சைக்கு மருத்துவமனை செல்லலாம்.

என்னென்ன பிரச்சினைகளுக்கு அணுகலாம்?

தலைவலி காய்ச்சல், உடல் வலி, வயிற்றுப்போக்கு, மூட்டு வலி உள்ளிட்ட சிறு சிறு பிரச்சினைகளுக்கு நேரடியாக இந்த கிளினிக்குகளை அணுகலாம்.