மணமகள் இல்லாமல் வாலிபருக்கு திருமணம் - தடபுடல் விருந்து ! - EThanthi

Recent Posts

ஜெயலலிதா வினோதம் தகவல் கின்னஸ் வரலாறு வணிகம்

Flash News

மணமகள் இல்லாமல் வாலிபருக்கு திருமணம் - தடபுடல் விருந்து !

பேஸ்புக்கில் படிக்க க்ளிக் செய்யவும்...
குஜராத் மாநிலம், சபர்கந்தா மாவட்டம், ஹிம்மத்நகர் பகுதியை சேர்ந்தவர் விஷ்ணு பரோட். இவரது மகன் அஜய் பரோட் பிறந்த சில நாட்களிலேயே அவரது தாயார் மரணம் அடைந்தார். பிறவி யிலேயே கற்றல் குறை பாட்டுடன் வளர்ந்த அஜய்க்கு சிறு வயதில் இருந்தே இசைமீது அதிக நாட்டம்.
மணமகள் இல்லாமல் வாலிபருக்கு திருமணம்


யார் வீட்டு திருமணம் மற்றும் சுப காரியங்களில் ஸ்பீக்கரில் பாட்டு சத்தம் கேட்டு விட்டால் அங்கு ஆஜராகி விடும் அஜய் இசைக்கேற்ப குத்தாட்டம் போட்டு கும்மாளமாக மகிழ்வது வாடிக்கை. நாட்கள் செல்லச் செல்ல பருவ வயதை எட்டிய போது உறவினர்களின் இல்லங்களில் நடைபெறும் திருமண விழாக்களை பார்க்கும் போது, தனக்கும் அப்படியொரு சுபநிகழ்ச்சி நடைபெற வேண்டும் என்ற தீராத ஏக்கம் அஜயின் இதயத்தில் நீங்காத இடத்தை பிடித்து விட்டது.

எனக்கு ஏன் இப்படி எல்லாம் செய்யவில்லை? என்று வெகுளித் தனமாக அஜய் கேட்ட கேள்விக்கு நேரடியாக பதில் சொல்ல முடியாத அவரது தந்தை விஷ்ணு பரோட் சுக்குநூறாக நொறுங்கிப் போனார். தற்போது 27 வயதாகும் அஜய் அதற்கேற்ற உடல் மற்றும் அறிவு வளர்ச்சி இல்லாதிருப் பதால் அவருக்கேற்ற மாதிரி மணமகளை தேடுவதில் உள்ள சிக்கலையும் சிரமத்தையும் எப்படி அவரிடம் கூறி விளக்குவது? என்று உறவினர் களும் தடுமாறினர்.

சமீபத்தில் தனது தந்தையின் சகோதரர் மகனின் திருமணத்து க்கு சென்று வந்த பிறகு அஜயின் திருமண ஏக்கம் விஸ்வரூபம் அடைந்ததை உணர்ந்த அவரது தந்தை உறவினர்களிடம் பேசி ஒரு முடிவுக்கு வந்தார். அஜய்க்கு திருமணம் செய்விக்க சுபமுகூர்த்த நாள் நிச்சயிக்கப் பட்டது. உற்றார், உறவினர் களுக்கு எல்லாம் அழைப்பிதழ்கள் வினியோகிக் கப்பட்டன. திருமணத் துக்கு முன்னர் ‘மெஹந்தி’, ‘நலங்கு’ என மணமகன் வீடு களை கட்டியது. 


மேளதாளம், பேண்டு வாத்தியம் முழங்க குதிரை மீது அஜய் தலைப் பாகையுடன் மணக்கோலத்தில் பட்டாடையில் ஊர்வலமாக வர ஊரே அவரது பின்னால் திரண்டு வந்தது. குஜராத்தி மொழியின் மிக பிரபலமான பாடல்களை வாத்திய குழுவினர் இசைத்த போது சுமார் 200 பேர் நடனமாட மகிழ்ச்சி வெள்ளத்தில் திக்குமுக்காடிப் போனார் மணமகன் அஜய்.

ஒருவழியாக மகனின் திருமண ஆசையை நிறைவேற்றிய திருப்தியுடன் தனது வீட்டின் அருகாமையில் உள்ள சமூக நலக்கூடத்தில் சுமார் 800 பேருக்கு தடபுடலான அறுசுவை விருந்து படைத்து மகிழ்ந்தார், விஜய் பரோட். 

இந்த வினோத திருமணத்துக்கு வந்தவர்களில் பலருக்கு அஜய் பரோட் போல இனி யாரும் பிறக்கவே கூடாது என்னும் வேதனை ஏற்பட்டிருக் கலாம். ஆனால், விஷ்ணு பரோட்டை போன்றதொரு பாசக்கார தந்தை கிடைத்தால் இப்படி பிறந்தாலும் தவறில்லை என்ற எண்ணம் அவர்களில் சிலருக்கு தோன்றி இருக்கலாம்.

No comments

Copyright © 2016 www.ethanthi.com. All rights reserved
close
Play Pause